網民爆電梯奇遇記 獲張繼聰本尊回覆

藝人張繼聰近日恢復為其籌備8年，自資6位數兼主演的電影《金童》宣傳，在謝票期間不時爆金句，發放正能量，望觀眾就算遇上困境時，都要勇於逆流而上，而他的人生大智慧獲網民讚頌，同時亦惹來一個網民爆阿聰「好事多為」。 該網民稱有日行到公司大廈大堂，見有人入𨋢兼準備閂門之際，由於大門跟𨋢口位有段距離，所以決定等下一部𨋢，正當他選擇放慢腳步時，𨋢門突然緩緩打開，明顯有人為他按了開門掣，而網民初時以為是公司同事「等埋佢」，但入𨋢後覺得為他開門的「黑超男」熟口熟醉面，最終步出𨋢門再回頭望對方，才確定遇見了張繼聰，只是未有機會當面道謝，所以透過網上向阿聰本人表謝意。 故事尚未完，驚喜再次發生，原來阿聰亦看見這篇「好人好事」文章，所以本尊回覆網民謂：「小事，我廿幾年前都喺呢間大廈返工配音，部𨋢好鬼慢，搭唔到會遲到。做人嘅嘢，你幫吓我，我幫吓你」，該名網民在貼文中亦有提到阿聰太太謝安琪（Kay）是在宏福苑成長、阿聰曾在屋苑公園向Kay示愛的浪漫事。