陳山聰考慮再做電影投資人 葉蒨文未肯嫁曾展望住

藝人陳山聰與葉蒨文（Sophie）今日（11日）出席活動。西裝骨骨現身的陳山聰笑言今日扮演總裁，談起現時流行電動車，出名廿四孝爸爸的他表示自己買車最重要考慮仔仔Jaco的需要，他説：「當然最緊要係安全性，同後座要夠寬闊，因為Jaco要坐兒童安全座椅，仲有尾箱要大，因為要放Jacko嘅單車，基本上架車大部分都係屬於佢嘅，哈哈！」他笑稱自己是實用型會等優惠才考慮，因希望將錢留給仔仔，又高興表下年升小學的仔仔，成功獲心儀小學招收，坦言作為父母最緊張莫過於小朋友的學業，得知消息與太太也感到很安慰，他笑謂：「同佢面試嗰陣我仲緊張過佢，又唔可以陪佢入去，坐喺出面等又擔心佢答得好唔好，我太太都叫我唔好咁緊張，有番30年前去TVB面試嗰陣嘅感覺。」他笑言要更加努力搵錢，預備替仔仔請補習老師。談到他早前跟陳百祥的「香港精裝明星足球隊」到內地踢足球，對方曾揚言該隊在內地很受歡迎，每位跟他去踢足球的藝員，商演機會激增20倍，問到他事後是否也多了商演？山聰笑言因平日工作忙，該次也只是剛巧有時間才去客串玩玩一場開心足球而已。 山聰透露早前跟林盛斌等到馬來西亞登台，剛巧他們於當地合作的賀歲片《媽媽又要嫁》完成後製，故順道跟其他投資者一起看試片，透露該片會於大年初一在當地上映，稍後會忙到馬來西亞、馬六甲及檳城等走訪為電影宣傳，會回港跟家人吃團年飯，之後便會帶太太跟仔仔再到當地，出席謝票兼過新年，因當地天氣適合游泳啱晒仔仔。提到他有份投資該片是老闆之一，他謙稱只屬小小投資者，是一個新嘗試，希望票房理想，便可以有下一部的機會。 至於Sophie則以美女銷售經理打扮現身，她笑稱雖未試過當真正的銷售員，但之前曾試過跟黎諾懿及陳敏之做直播帶貨2小時，從二人身上學到不少，又表示對自己的英語及普通話有信心，故希望將來可挑戰更多相關主持工作。她表示《女神配對計劃》確實為她帶來了不少工作，之前做了投資銀行的活動，自己也感到整個人也進步了，問到荷包是否也進帳了不少？她笑謂：「我人叻咗，腦袋荷包都叻咗，哈哈！」她透露聖誕及新年也排滿了工作，現時工作為先，沒有假放也不要緊。 談到她跟男友曾展望（GM）於台慶頒獎典禮同樣有份競逐《飛躍進步男、女藝人》、《最佳男、女主持》及憑《女神配對計劃》入圍《最佳綜藝節目》獎項，Sophie直言希望《女神配對計劃》能獲獎項，是對製作團隊一個肯定，又笑稱希望跟男友能齊齊獲獎，問到是否一起獲獎便會宣布結婚？她笑稱男友未準備好：「工作為先，仲差少少錢，要努力先。（你想搞世紀婚禮？）唔使，結婚只係為咗日後嘅小朋友，兩個人一齊唔使講太多，唔使靠一張紙（結婚證書）。」她表示仍未準備頒獎禮戰衣，坦言若能夠入圍到現場參與已經很開心：「自己做咗10年已經睇得好淡，會默默耕耘，當然有獎會更開心。」