張與辰除夕亞博開騷 積極練歌排舞備戰

歌手張與辰將於除夕（31日）在亞博舉行演唱會，近期他正全程投入為演唱會練歌、排舞做準備，他說：「除咗練歌、排舞，今次特別要好好準備心態、體力，因為場地比較大，今次演唱會內容亦好豐富，所以需要好多精神同體力去支撐，除咗練歌，呢排都要諗一諗有咩想喺台上講，有咩訊息想透過演唱會帶畀觀眾。」 講到人人生第一次在除夕舉行演唱會，張與辰覺得感覺相當不一樣，他說：「會帶住期待，同大家一齊跨過新一年，由2025去到2026，新一年第一件做嘅事好重要，如果事情好有意義同開心，感覺上新一年都會過得好好，好想畀大家一個好正嘅除夕演唱會，帶大家去到2026。」 張與辰預告今次演唱會快歌多多，近來要努力練舞，他說：「排舞都唔算好難，但亦都係挑戰，雖然識得跳舞，但因為唔係經常跳，挑戰係要喺短時間記舞步同埋走位，挑戰亦令我多咗好多體驗，同埋成長。」