馮盈盈缺席台慶惹猜測 成「失蹤人口」之謎曝光

藝人馮盈盈到葵涌拍攝健康產品廣告，擁有營養學碩士的她指今次拍攝廣告學以致用。盈盈受訪主動提到缺席台慶，被網民列為「失蹤人口」，她自爆9月開始因為天氣轉、出現皮膚敏感和濕疹問題，亦因而未能參與台慶。問到甚麼地方出現濕診問題？她則說：「依家手指都仲有濕疹問題，好彩面就冇，醫生都吩咐要有足夠休息，同埋食多啲水果。」盈盈早年被指因拒拍劇集《一舞傾城》，導致2023年拍攝完劇集《逆天奇案2》便遭放入「雪藏」，至今一直未有新劇拍攝，她說：「大家誤會咗少少，其實公司今年畀咗好多機會我，綜藝節目今年出街有《飲茶》、《剪裁魔法師2》、《食好D》，嚟緊仲會拍賀年節目。」 講到現在劇集製作買少見少，拍劇機會更加少？她坦言未有拍劇安排：「暫時未收到拍攝新劇嘅通知，開劇要等公司安排。」她又否認將約滿無綫，強調還有數年合約在身。講到盈盈早前拍攝內衣廣告相當性感，被指是大解放，她說：「廣告係想表達健康性感，亦有網民留言話廣告係有史以來最多衫嘅內衣廣告，我哋係想表達內衣唔止係內襯咁簡單，係可以配搭唔同嘅時尚造型，希望大家覺得身材OK、幾fit咁就好。」