周嘉洛爭視帝冇信心 滕麗名力撐仔仔

藝人劉丹、周嘉洛、滕麗名、湯盈盈、呂慧儀、古佩玲及陳浚霆等今日（19日）現身電視城，為處境劇《愛．回家之開心速遞》宣傳，分享如何過冬至兼大玩遊戲。 滕麗名與劇中仔仔周嘉洛齊齊受訪，滕麗名表示冬至當日上午要開工，跟「熊家」一起過，笑言晚上回家跟真老公做冬，問到會否邀請「假仔仔」周嘉洛一起過？她笑謂：「呢個仔真㗎，佢叫我老公做爸爸，但好似女咁。」談到劇中男友袁文傑早前於社交網貼出跟《愛》劇中演員的合照並寫道「感謝」，即惹來離巢疑雲，加上劇情交代他要離開一段時間，而今日亦未有現身宣傳，滕麗名表示或許對方檔期未能配合，追問對方是否已離開劇組？她笑謂：「又唔係嘅，其實拭目以待，睇吓網民想唔想佢返嚟，如果再唔想佢返嚟，咁我就永遠攬啲特約、戴住個十字架當係佢，暫時攬緊替身。（離巢？）離巢就唔係嘅，離組就唔知。」她表示近期也有跟對方碰面，透露還有一集會見到對方真身。 談到周嘉洛憑劇集《痞子無間道》入圍台慶頒獎禮「最佳男主角」爭視帝，嘉洛表示劇集更入圍「最佳劇集」感到好幸福及開心，身旁滕麗名即表示一定會票投給他。問到對爭視帝信心？嘉洛坦言沒有：「當然唔會有信心，第一確實好多勁敵，第二大家太出色啦，真係冇可能係我，輪都唔會輪到係我。」他笑言即使未能封視帝，也會繼續開心及樂觀地去進步，坦言自己還有很多進步空間，又表示很欣賞羅子溢，看好對方可成功封帝：「無論人品抑或演技我都好鍾意，所以好支持佢！另外仲有張振朗，都係因為鍾意佢嘅演技先同佢做朋友，識落咗都覺得佢個人唔錯，所以我會投畀佢哋！」他笑言不會投自己，坦言自己於《痞》劇中的表現其實可以更好，會繼續上進。