古佩玲獲陳浚霆公開表白 恨情侶檔吸金

藝人古佩玲（Kelly）與陳浚霆緋聞傳足多時，二人今日（19日）現身處境劇《愛．回家之開心速遞》宣傳活動時全程繞住對方相當甜蜜。陳浚霆表示冬至當日先與劇中家人開工，晚上跟「真」家人晚飯做冬，問到會否帶Kelly回家做節？他指對方當日若放假便會回廣州陪家人，又即場約定對方回來後為他慶祝生日，又指對方於廣州很受歡迎，更有意無意間向對方示愛，他説：「試過喺廣州拍劇嗰陣，好多小朋友拎自己同Kelly合照畀我睇，仲話好鍾意Kelly姐姐，跟住我就話我都係！」突然被公開示愛，問到古佩玲是否等了這個告白很久？她明顯反應不過來：「突然間個腦轉唔到，一片空白。」陳浚霆即笑指要等律師到場才發言，問他是否等律師到場宣誓結婚？他即笑而不語，古佩玲則笑指未試過被公開表白，又拉開話題指也有不少小朋友喜歡陳浚霆，陳浚霆即扮「投訴」說：「但你冇話『我都係』囉！」相當搞笑。 提到陳浚霆入圍台慶頒獎禮「飛躍男藝人」獎項，古佩玲即出力替對方拉票。陳浚霆則搞笑指若然獲獎，會要求古佩玲跟他一起穿三點式示人：「一個作為觀賞，一個用作驚嚇，哈哈！（有信心？）平常心，其實今年已經係超額完成嘅一年，因為有出歌、有份拍攝《愛·回家》、《金式森林》同電影《尋秦記》，第一次可以一年內做齊歌影視，對我嚟講係好難得嘅機會，已經係大滿貫，感覺全年都長期飛躍，好開心。」問到二人可會想像曾展望和葉蒨文一樣情侶檔接工作？陳浚霆：「我哋已經情侶檔接咗幾次工作，仲喺佢哋未接之前！公司出咗一對咁強勁嘅CP可以成為借鏡，證明呢件事係合情合理合法，況且佢哋接咗咁多都累啦，等我哋分擔吓。」古佩玲亦表示認同，坦言難得有這麼合拍的拍檔，當然希望能再多些合作。