澤口愛華 令和最強巨乳偶像

日本寫真界喺唔同年代都會誕生一啲極具代表性嘅偶像，好似松金洋子、熊田曜子、MEGUMI等等，而嚟到令和時期，你又會諗起邊位女優嘅名字？今日同大家見面嘅澤田愛華絕對有資格成為候選人之一！ 當之無愧 踏入令和時代，日本寫真界不斷有巨乳玉女冒起，除咗菊地姬奈、白濱美兔、本鄉柚巴等名字，又點可以數漏佢哋嘅前輩澤口愛華呢？查實呢位前輩依家先係得嗰22歲，相當年輕，清純甜美嘅樣貌冇因為入行耐咗而變殘，笑容又勁燦爛，好有陽光氣息，令人好想同佢親近，而當佢露出若有所思嘅表情，亦惹人憐愛。另外，愛華嘅身材健美，肉地結實彈手，皮膚又夠晒光滑緊緻，最緊要係心口對天然F奶脹卜卜且彈力十足，能獲得「令和最強寫真偶像」呢個稱號，實在係當之無愧，毫無水分！ 勇奪四冠 澤口愛華出生於愛知縣名古屋市，自從喺2017年參加咗「SAKAE GO ROUND美少女大賽」，人氣逐步上升，並加入偶像組合dela，正式開始偶像生涯。之後阿妹喺組員鼓勵下，參加寫真女星選秀比賽「Miss Magazine 2018」，擊敗近3,000人獲得冠軍。最威水嘅係，佢喺「Cover Girl大賞」中包攬總冠軍在內共4個大獎，成為史無前例嘅四冠王！ 除咗喺寫真界取得佳績，愛華亦逐步作多方面嘗試，例如喺擂台賽擔任舉牌女郎、以賽車女郎身份出席活動，更加喺2023年首次擔任電影女主角添！ Profile 年齡：22歲 身高：155cm 三圍：38F-25-37 雖然澤口愛華喺多個範疇都有唔錯嘅發展，但依然不忘初心，繼續拍寫真，仲喺最近推出寫真月曆。留意阿妹嘅社交網，就會知道佢嘅最新動向。 網址：https://x.com/sawa_aika827