陳家樂廖子妤新片獲好評 網民睇好衝影帝后

英皇電影《像我這樣的愛情》已於11月27日正式上映，主演廖子妤及陳家樂細膩情感，獲觀眾及影評高度評價，而二人的表現獲網民睇高一線，被視為來年金像獎熱門影帝后。 廖子妤與陳家樂在電影主題節目《像我這樣的訪談》壓軸篇中，請來《破‧地獄》導演陳茂賢與導演吳煒倫擔任嘉賓。四人圍坐一圈，從經典愛情電影聊到香港愛情片變遷，再到對兩位主演的「狠批」與真心讚賞，笑聲不斷。 訪談一開場，廖子妤笑言：「兩位導演平時只會宣傳自己電影，今次幫我哋宣傳，真係好有面子！」她興奮分享新片《像我這樣的愛情》的元素：「兩個破碎的人，相遇後有沒有資格追求愛情？這不只是浪漫相遇，而是探討自我價值與禁忌界線。」正好呼應片中義工與身障者的模糊情愫，叩問「施與受」的愛情真義。 而訪談中其中一個有趣高潮落在導演們稱讚兩位主演，其中吳煒倫盯着廖子妤說：「你好脆弱呀！但正正係呢份脆弱，你超適合演戲！」吳煒倫指她情緒大起大落，讓她能在鏡頭間瞬間切換；合作後更見其直覺進步：「佢係一個好勤奮的演員，佢喺之前會準備好要怎樣演，佢諗好咗，但佢去到一開機時，一叫Action，佢一走入去，佢有權突然推翻自己嘅想法，很直覺地跟住去演，其實我很喜歡佢呢種直覺。」 陳茂賢則調侃陳家樂：「佢個樣有時好討厭，睇起嚟厭世！」；家樂聞言解釋：「我其實喺度聽緊你講嘢！」陳茂賢透露，試過收到家樂半夜打電話問其意見，知道對方為角色減肥壓抑到情緒低落，而家樂笑言自己有被虐傾向，向陳茂賢表示：「你唔插我兩刀，我先唔安落！」陳家樂笑到彎腰，引場全場哄堂大笑。 另外，兩位導演異口同聲一致讚賞從廖子妤及陳家樂眼神中充滿渴求，因為這代演員機會少，「不過佢哋有狠勁，因為唔全力以赴就未必有下次。」