麥明詩最「驚喜」生日 獲老公盛勁為舞獅助興

「十優港姐」麥明詩早前迎來34歲生日，昨日（21日）她在社交平台上載相片及短片，分享老公盛勁為送上的生日驚喜，見麥明詩進場時見到一室布置及醒獅，一臉驚喜，場內有寫上「明詩老婆大人，美若天仙，喜慶良辰，老公喜賀」的祝賀牌，麥明詩坐下欣賞醒獅表演，邊睇邊笑，十分開心，原來是盛勁為親自舞獅，還送上寫上「明月襟懷 敢作敢言真氣概」的條幅，枱上亦放了插上「34」生日蠟燭的壽桃包，兩公婆笑意盈盈，甜蜜溫馨。 麥明詩寫道：「炮製驚喜嚟講，今次真係最『驚喜』了，仲夠膽死用數字蠟燭。笑完之後，其實真心想講……過去9個月，我哋嘅人生基本上圍住BB轉。成為媽媽後嘅第一個生日，你仍然花心思提醒我，我不只是BB嘅媽媽，我依然係我。多謝你@keithshing」網民紛紛大讚盛勁為有心思，並留言：「甜蜜天花板」、「好特別嘅生日」，而藝人陳懿德亦留言：「你個樣似驚嚇多過驚喜，Happy Birthday.」