艾粒開騷設單身福利 周吉佩有新搞作

人氣組合艾粒（ILUB）、唱作歌手周吉佩（吉吉）及樂隊Nowhere Boys將輪番演出明年1月舉行的「JamNgok 2026《Live at The Big Top》」嘉年華，與樂迷近距離接觸，締造獨一無二的音樂派對，三個演出單位均表示非常期待，其中吉吉形容感覺「好特別」，並預告將以派對感十足的編曲和舞台服裝，期望演出能為2026年開個好頭，並透露正努力製作更多好歌，爭取在樂壇頒獎禮上取得成績，同時亦希望將音樂帶到澳門、馬來西亞、廣州等地，舉辦巡迴演唱會。 剛完成10周年企劃《Letters of Nowhere》的 Nowhere Boys，視演出為珍貴的機會與禮物，為他們的10周年紀念畫上一個難忘的句號，並為心血之作《NWB Post Office》帶來現場的完滿演繹。他們表示：「透過呢個企劃學會咗唔計較結果，明白事情發展未必總與預期成正比，即使被突發事件打斷亦毋須介懷，盼望未來能有更多機會與樂迷見面。」他們又興奮表示期待在帳幕度表演已久，成員都偏愛走入觀眾核心，所以他呼籲：「大家準備啦下，一齊唱，一齊叫，一齊癲，熱定身，食定喉糖，飲多啲水！」 艾粒兩位成員Donald及占則是首度在嘉年華中開騷，他們直言：「嘉年華就玩咗好多年，但開Show就第一次。相信能與現場追求開心嘅觀眾，產生雙倍快樂嘅化學 作用。」兩人預告已準備了特別環節與粉絲互動，包括「抽啤牌送一蚊」以及即場幫觀眾求婚，更笑言是「單身人士的福音」。 談及新一年展望，他們希望「繼續好奇、繼續八卦、繼續發掘多啲新鮮事、搵多啲嘢玩，相信在任何過程中經歷的開心，都能直接感染身邊每一個人。回顧2025年，艾粒各有深刻體會，Donald分享：「今年領養咗隻狗仔，原本想領養唐狗BB，但緣分到了領養咗一隻老狗。不過都冇所謂，因為無論做嘢幾攰，只要返到屋企見到佢等你返嚟我就好開心。」占則表示：「自己隊樂隊YEAHS出咗一張大碟，喺香港同加拿大做咗幾場專場，亦創立咗自己嘅咖啡品牌，從對咖啡一竅不通，到學多咗好多咖啡知識，覺得自己品味Upgraded。」