「鴨王」何浩文淪落街頭派傳單 慘食檸檬冇人認出

現年37歲的「鴨王」何浩文（Dominic），曾憑爆肌身材及童顏俊臉，通殺老中青女粉絲，可惜當年全裸上陣，未能助他事業一帆風順，反之近年鮮有幕前工作。而近日有網民發現他在旺角鬧市區「企街」，戴上平光眼鏡，穿整齊恤衫西褲，造型十足白領，但身上又多了一條彩帶，見他不停向街坊派傳單，似轉職當推銷員。 而Dominic亦在自己的社交網平台分享「企街」實況，對住鏡頭說：「睇吓有冇啲特別啲，而大家會接收我嘅單張嘅方式。」之後，就見他「攝埋」路人身邊，再伸出傳單，可惜被無情請食「檸檬」，面懵懵的他惟有自我安慰說：「OK，呢招唔得，本來想同扮Friend，偷偷塞畀佢。」不過屢敗屢戰下，有年青路人接過其傳單，令他開心番。 原來他今次「落區」全為宣傳其新歌《合拍得叫人詫異》，而他派傳單的成功率並非百分百，難怪他亦留言：「羞恥play BTS盡做啦」，其實現時做歌手好難，如要做沒有唱片公司支持的獨立歌手，就更難上加難。