張學友Rock爆重臨主場 打造完美終章

「歌神」張學友再踏紅館舞台，由今晚（23日）開始一共20場的《張學友60+巡迴演唱會香港終章》。開騷前一眾工作人員現身紅館正門前，舉行拜神儀式，有過百名來自內地的粉絲在鐵欄外高舉學友應援物，為學友開騷打氣。準時5點，身穿個唱服裝的學友戴著帽子及口罩現身，儀式期間學友脫下帽子，並持續雙手合十，祈求演唱會順利舉行，而完成拜神儀式後，心情大好的他，向周圍的工作人員及粉絲，雙手擺出Rock手勢。 學友受訪時被問到身體狀況，他表示：「應該冇問題啩，都做咗咁多場，體能方面都比較習慣（心情輕鬆？）做騷唔輕鬆，其他人可能得但我唔得，同埋自己一向比較緊張（Rundown有無調整？）呢個騷做咗兩年幾，不嬲都會加加減減（有冇唔捨得？）嚟之前都有啲，嚟到淨係希望順順利利，好完整咁樣完結（有無機關？）無機關，剩係得升降台（有無請嘉賓？）如果你哋嚟睇，你哋咪嘉賓。」