海兒天生哨牙 自爆曾三之箍牙矯正

「音樂女神」海兒（Hedy）近日成為全新星級版牙膏代言人，廣告商選角甚有要求，指明並非要普通歌手藝人，而是要找一把「香格里拉高原女聲」，而屬女高音歌唱家的她成功跑出，認真「高」人一等。 廣告中，除了大賣她的甜美笑容，最搶耳當然係背景音樂中一段「啦啦」的女高音，由她親自演繹，將她招牌的「天籟式高音」融入廣告，其清脆悅耳的歌聲，令人感覺清新。說到牙齒護理，她坦言秘訣簡單：「冇話特別方法，不過我每日都會用牙線，早晚刷牙，出街食完飯，尤其係飲完咖啡或者食咗啲顏色深嘅嘢，一定會『啷』口！」 不過，女神都有一段「牙齒血淚史」！她自爆：「我最大嘅牙齒問題就係箍牙！十歲開始箍，其實我人生夾夾埋埋箍過3次牙，應該好少人有咁多箍牙嘅經驗，哈哈。」她小時候曾有哨牙、倒及同咬合不正問題，感激媽咪用心機、時間及金錢就她「整靚棚牙」所以她特別珍惜牙齒，更強調因為要唱歌，牙齒更加重要：「我又鍾意笑、又鍾意唱歌，冇咗棚靚牙點得呀。」