縱慾假期 風流快活

聖誕快樂！相信唔少人都會趁公眾假期出去玩，對男士嚟講，最過癮嘅度假節目梗係攬住條女風流快活啦！之不過有好多行業係玩輪休，紅日都要返工，冇得放假嘅你，一於喺放工後睇番套以縱慾假期為主題嘅四仔，畀自己一個機會爽一爽！ 左擁右抱 難得有假放，仲可以出外攬女疏乎，一條女又點夠玩，起碼要左擁右抱啦！由Vixen出品、Laurent Sky同Julia Grandi聯手執導嘅《Threesome Fantasies #16》，就話畀大家知箇中滋味有幾過癮。影片搵嚟Vanessa Alessia、Gianna Dior、Lilly Bell等索女參演，故事講述城中闊少以公司搞年度旅行為藉口，撇甩老婆去尋歡，仲要一出手就Call咗兩位絕色佳麗陪伴左右，玩得夠晒豪！喺旅途中，闊少可以話係去到邊曳到邊，連遠足、游水都不忘執番劑，仲要次次都係三人行，真係極度荒淫！ 拉丁情懷 可以去西班牙巴塞隆那度假梗係正啦，仲要有熱情如火嘅拉丁女郎陪伴左右，真係未出發先興奮！近年演而優則導兼開埋四仔片廠嘅Little Caprice，不時推出自肥之作，而最新登場嘅《Nassty X Vol. 3: What Happened In Barcelona》，正正喺呢個旅遊勝地取景，難怪呢位老闆要親自上陣！故事講述幾位美籍人夫計劃偷食，結果飛去西班牙，並喺當地遇上Little Caprice、Apolonia Lapiedra同Sicilia呢幾位拉丁女郎，齊齊歡度一個汁液橫飛嘅縱慾假期。之不過呢次艷遇係有人暗中安排，究竟背後黑手係乜水？睇到片尾，自有分曉！ 相約偷食 相逢恨晚呢啲情況時有發生，而喺四仔作品《Neighbor Affair #64》入面，男女主角決定背住另一半偷食，齊齊享受縱慾假期。影片由Naughty America出品，演員陣容包括Harley Dean、Barbie Feels、Vanessa Cage等好波美女。劇情講述已婚男主角同人妻鄰居有路，但礙於另一半𥄫到實，冇機會一解相思之苦，於是各自以出差為由，偷偷哋享受二人世界。正當兩人過住極盡鹹濕嘅床上假期之際，卻發現枕邊人有個不可告人嘅秘密！ 碟評 有假放已經夠開心，仲要有女陪兼且可以瘋狂曳曳，試問有邊個男人唔心動？今次介紹嘅3套四仔可以話係各有特色，其中《Nassty X Vol. 3: What Happened In Barcelona》以靚人靚景為賣點，最有度假Feel！至於全片大玩三人行嘅《Threesome Fantasies #16》，勝在製作高質，加埋脫星們嘅忘我演出，值得一睇再睇。