黃宗澤調教角色《新聞3》再展戲勢 獲拍檔傾力拉票爭視帝添勝算

藝人黃宗澤憑在無綫劇集《新聞女王2》飾演為利是圖的新聞台高層成功出圈，更有份角逐視帝，他獲一眾圈中好友幫忙拍片拉票，氣勢如虹。對於今次演出，他大叫「好爽」之餘，又直言倘若有續集的話，希望將角色調教成「亦正亦邪」，再展演技！ 當外界力推羅子溢為本屆台慶頒獎禮視帝大熱人選之時，黃宗澤（Bosco）主演的《新聞2》雖早已於內地播竣，但結局篇在香港依然錄得22.6點收視，而其飾演的「賤嘴Kingston」形象鮮明，掀起全城熱話。同劇演員王敏奕、郭柏妍、陳曉華及袁富華等，以及新劇《風華背後》的拍檔汪明荃已先後拍片支持Bosco首次登上視帝寶座，令他增添勝算。據悉，Bosco的粉絲更會於今晚平安夜出擊，現身旺角鬧市派發宣傳品，為偶像傾力拉票。 對於前輩、拍檔及粉絲的支持，Bosco昨日受訪時坦言相當感動，更一再強調要多謝的名單恕未能一一盡錄。談到今次角色被指賤嘴兼乞人憎，他笑言：「呢個角色係要咁樣先夠過癮，我演得好爽㗎，可以用盡方法去寸人喎，平時一定唔得啦。唔知係咪身邊啲朋友同粉絲氹我，佢哋話好彩呢個角色交到我手，如果由第二個演嘅話，分分鐘畀人打！」 袁富華望再結劇緣 外界盛傳劇集有機會開拍第3輯，Bosco坦言：「唔知係咪真喎，要睇鍾澍佳（總監製）點安排。（你想改邪歸正？）亦正亦邪囉，『歸正』就唔係Kingston嘞。」對於爭奪視帝的信心及勁敵等話題，Bosco雖未有正面回應，但全程語帶輕鬆，似乎以平常心面對，反正過足戲癮最緊要。至於出席頒獎典禮的戰衣，他打趣諗都未諗，屆時或有驚喜給觀眾。 在《新聞2》與Bosco「雙雄鬥奸」的袁富華出名好戲，對拍檔也讚口不絕：「今次拍劇我去到新環境，Bosco好照顧我。我覺得佢能夠好輕鬆演活咁為利是圖嘅高層，仲要好深謀遠慮，呢樣嘢好值得欣賞嘅，冇得挑剔㗎嘞。（期待同佢再鬥戲？）要睇吓檔期配唔配合，但當然我好想再同佢、佘詩曼及鄧志堅等再結劇緣啦，今次真係好開心。」