鮮娛糧︱關嘉敏做「南宮夫人」分享愛情貼士 原來係想…

藝人關嘉敏（Carman）雖然在無綫藝綜節目《女神配對計劃》中未能成功配對，但對男歡女愛依然頗有心得，日前她在社交網變身「南宮夫人」跟網民談情說愛，分享愛情貼士。 她以專家口脗說第一，愛情是選修料而不是必修科，所以：「唔好人拍拖，自己又拍拖，亦唔好因為寂寞而開始一段戀情。」又說第二，是不要輸給一個等字：「唔好等佢覆，唔好等佢表白，唔好等佢改變，因為等等吓就發現，你等到佢有新女朋友」，至於第三則覺得是要記得保留30%的神秘感：「要保留自己嘅邊界感，唔好因為取悅人哋而壓抑自己，要保留自己嘅興趣喜好，咁先可以做到自己」。 到第四點，她認為不要浪費時間糾結內耗，更重點提議：「不如用番啲時間，去投票畀一個真係摸得到，睇得到，同埋靠得到嘅人，就好似我咁，2025年TVB飛躍進步女藝人關嘉敏，請投我一票。」原來她搞咁多大龍鳳，都係自編自導自選拉票，不少網民大叫「中伏」，亦有網民踢爆指在綜藝節目中的追求者黃家俊（Matthew）亦積極為她拉票，所以相信她有機會獲獎。