周嘉洛認陪跑「男主角」投羅子溢 傅嘉莉自知冇機會當「女主角」

萬千星輝頒獎典禮最佳男女主角10強見傳媒，羅子溢近日出街食飯及出席小朋友聖誕派對入校園拉票，又出動老婆去拉票，因為老婆人際網絡好，朋友比佢多。周嘉洛自認陪跑，但沒有不開心，知道自己定位，支持投羅子溢一票，友情票投張振朗，但不睇好，第三票原本是郭晉安或者馬國明，但唔想二㨂一，所以放棄第三票，想集中票在子溢度。問楊茜堯會否陪出席，子溢表示會有驚喜。問嘉洛有冇收到公司禁愛令？他反問又關陳瀅事，不要搞她，問到得寵便沒有禁戀？嘉洛即表示耳鳴。 陳曉華和傅嘉莉都是首次入十強，陳曉華表示第一票投畀實力、第二票投喜愛、第三票投給鼓勵新一代，自己會投阿佘及宣萱，第三票保留。傅嘉莉雖然知道無機會，但寫定感謝詞及諗定請食飯，笑言1月6日生日，希望拿獎當生日禮物。 劉佩玥聽取大家拉票建議後會努力拍片拉票，提廣州個人音樂會唱歌猙獰樣，自言睇到相和文字都覺得奇怪，都覺得有問題，自言不是歌手，顧不到咁多，多多包函，大家意見好寶貴。陳曉華就撐她甜美，無問題。《中4》貓女有傳是劉佩玥，她笑說貓女唱得ok，但有進步空間。提公司傳禁愛令？陳曉華扯開話題，傅嘉莉反而因為這個傳聞想識吓公司男藝員，也想參加戀綜，但驚被嫌年紀大。