Puffploy Pairin 散發泰色仙氣

遇見明眸皓齒、樣貌清麗、氣質脫俗嘅美女，有人會用「仙女下凡」嚟形容，而今日同大家見面嘅泰國模特兒Puffploy Pairin，何止顏值高、身材正，還有內涵，難怪其身上嘅「仙氣」隔住個芒都Feel得到！ 顏值吸引 能夠配得上「仙氣」呢個稱呼，呢個女仔定必係顏值非凡，甚至可以話係「淡妝濃抹總相宜」，而出生於泰國曼谷嘅Puffploy Pairin就有辦你睇！首先，留有一把烏黑長髮嘅佢，眉清目秀，眼神精靈，鼻形挺拔，唇紅齒白，就算素顏示人都唔失禮，而且笑容勁親切，喺好多男士眼中，簡直係天仙化身！ 除咗氣質上散發出一種「仙氣」，阿妹嘅身材亦係冇得彈，雖然唔算好大波，但有一定睇頭，不時喺鏡頭前露出乳溝，相當誘人，加埋皮膚白裏透紅，着上白色性感內衣，猶如妖精化身，難怪佢喺泰國模界出道冇耐已有相當高嘅人氣！ 內外兼備 咪以為Puffploy Pairin淨係得外在美見得人，查實佢好有內涵！本身擁有大學學歷嘅佢，主修電腦工程，成績優異，仲要係文又得、武又得，唔止喺跳舞方面有一定造詣，更加係游泳健將，兼考獲潛水牌！ 可能有人會問阿妹咁叻女，大把出路任揀，何解要投身模界？原來佢自細已有強烈表演欲，好想成為眾人焦點，模特兒呢份工最合適不過，所以讀大學期間已開始做兼職模特兒，畢業後更正式入行。阿妹又表示，要成為人氣模特兒，唔係想像中咁簡單，一方面要將自己最靚一面表現出嚟，另一方面又要配合拍攝或活動主題，兩者之間要取得平衡。好彩嘅係，佢份人夠聰明又識執生，工作話咁快步入正軌，並成功透過社交網絡，令更多海外人士認識自己。 Profile 出生地：泰國曼谷 身高：166cm 三圍：34F-23-34 家陣Puffploy Pairin得到唔少網民支持，除咗同佢喺社交平台頻頻派福利有關，亦因為佢喺近期好鍾意拍攝烹飪影片，從中睇得出佢嘅廚藝相當唔錯，係一個有內涵嘅靚女，自然大受歡迎。 網址：https://www.facebook.com/profile.php?id=100086544468550