Tyson聖誕報佳音 童年現在一樣可愛

今日就係聖誕節，歌手Tyson Yoshi日前喺社交網分享讀幼稚園時在家中唱聖誕歌的短片，寫着「Merry Christmas，1999年程浚彥小朋友上」。片中，只5歲的Tyson仔，被程爸爸問：「你叫咩名，你幾多歲呀？」而戴着聖誕帽嘅佢報上名來及年齡後，就開始唱《聖誕老人來了》：「嘴巴黐鬚真夠妙 大肚dum確美妙......」表現淡定自然，又識望住鏡頭，年紀小少已相當有表演欲及壓台感，名乎其實30歲定80，天生注定食演藝飯。有網民留言：「好有talent喎，第時大個一定做歌手」。 由於Tyson的童年表現實在太Pure太True，跟25年後的他完全兩個樣，一度成網民熱話兼友儕們的笑話，結果有網友將佢呢個陳年造型再呈現一次，戴住當年同款聖誕帽的Tyson在朋友的聚會上，再被以同一口脗問：「你叫咩名？你幾多歲呀？」佢個笑而不答表情，令全場人爆笑，有網民留言：「點解佢眼神好似想揼人咁嘅感覺？」、「最正係箍頭嗰頂帽係一樣，好有愛。」