小儀老公真正身份疑曝光 曾獲神預言明年有同居運

前電台DJ阮小儀尋日（25日）趁聖誕佳節突然公布婚訊，並晒出與老公戴上婚戒嘅手仔照，引發網友對佢另一半真正身份非常好奇，加上小儀近年從未公開談及感情世界，即為男方背景更添神秘色彩。 小儀保密功夫滴水不漏，不過仍有消息傳出，有指小儀老公從事汽車事業，兩人透過友人介紹而認識，為保護愛苗，交往期間極度保密，連電台同事都被冇人知。但其實小儀今次聖誕宣布婚訊有迹可尋，佢早於平安夜當晚就貼出一對薑餅人公仔，留言：「聖誕節，我家沒有大大的聖誕樹，但有小小的薑餅人，已經心滿意足。」成雙成對有晒暗示。 而早前播出嘅一集《早霸王》曾邀請蘇民峰任嘉賓，當時蘇民峰已問小儀係咪已嫁人，小儀笑言：「嫁咗封盤？我都想呀！」蘇民峰即表示：「流年我就計唔到喇，佢姻緣運本來係2022、2023年，都過鬼埋喇！」森美即插嘴道：「有呀！佢有呀！」蘇民峰稱係2022、2023年有「簽紙運」，要結婚：「依家就只得同居運嘅啫！」小儀當時未有太大反應，蘇民峰續說：「佢（小儀）2026年容易因為同居而結婚，佢下一個結婚運就係2032、2033年。」蘇民峰又建議小儀搵年紀比佢細嘅男士，似乎當時已經神預言小儀感情運嘅發展。