河田陽菜 美乳大解放

人係要求變先會進步，身為日本藝能團體嘅人氣成員亦唔例外，即使係隊中嘅頭面人物都無可能成世留喺原有位置，當時機一到，就要換個身份向外闖。好似今日嘅主角河田陽菜，喺早前正式從所屬團隊畢業，並第一時間進軍寫真界，大晒誘人身材！ 形象討好 喺日本藝能界，有唔少大型美少女團體，其中又以48系最巴閉，除咗成軍20周年嘅AKB48之外，仲有多隊姊妹組合，每一隊嘅成員多達幾十人，仲不斷有新血加入，所以更新換代嘅情況冇停過。至於今日同大家見面嘅河田陽菜出身於48系嘅官方對手46系，細個嗰陣勁鍾意睇48系列嘅舞台表演，後來喺廣島參加咗一場握手會，見到昔日AKB48一姐前田敦子，隨即受到啟發，立志要成為藝能偶像，最終如願以償，喺2017年成功通過選拔，正式加入日向坂46。由於陽菜嘅外形討好，出道之後極受歡迎，更得到隊內成員嘅喜愛，喺節目《HINABINGO!》入面，獲「理想姊妹NO.1」！ 活力十足 講開又講，現年24歲嘅陽菜之所以能夠成為日向坂46嘅人氣成員，演出時可以企喺第一排，又有份主演日劇同舞台劇，唔係靠個樣咁簡單，而係因為跳得又唱得。原來阿妹喺讀書年代曾經係啦啦隊同排球隊成員，身手靈活，歌喉亦唔錯，得到粉絲支持一啲都唔出奇！ 轉眼間，陽菜加入組合已經8年，亦由當初一名16歲小妹妹長得亭亭玉立，自覺係時候獨自向外闖，所以喺今年決定從所屬組合畢業，並全力進軍寫真界！查實以阿妹嘅顏值同身材，加入寫真女優行列係明智之舉，加埋喺幾年前第一次推出水着寫真集《思い出の順番》就已賣出超過14萬本，銷量理想，難怪佢對於未來發展咁有信心啦！ Profile 出生地：日本 身高：152cm 三圍：33E-23-34 轉為單飛發展嘅河田陽菜，深明粉絲支持嘅重要性，所以喺經營社交帳號方面好落力，除咗不時發貼文披露自己嘅最新動向同生活點滴，仲會派吓福利添！ 網址：https://www.instagram.com/hina17_kawata