張學友「兄弟」合體 張家輝秒變歡樂先生

歌神張學友於Boxing Day開騷連環送上驚喜，更獲「弟弟」張家輝驚喜捧場。歌迷愛屋及烏，一見家輝入場即瘋狂尖叫，他亦如「主人家」般揮手回應，為演唱會增添不少歡樂氣氛。 張學友共20場《張學友60+巡迴演唱會香港終章》進行得如火如荼，前晚Boxing Day迎來第4場，學友不時為演出炮製驚喜，原來連噴出來的泡泡亦有玄機，他笑說：「大家見到啲泡泡其實係Smoke Bubble，一篤就會化成煙，裏面唔會有好多水，唔會變咗洗頭咁，大家可以放心。」接着，他獻唱「盲盒」歌曲《舊情綿綿》，並說：「呢首307場都冇唱過喇！」全場報以熱烈歡呼。 觀眾興奮擊掌 被喻為學友「異父異母弟弟」的張家輝前來捧場，甫進場即獲大批學友歌迷歡迎，家輝亦不停打招呼回應，及至中場起身去洗手間，沿途不少觀眾伸手跟他擊掌，氣氛十足。完騷後，學友披着毛巾離開，並特意走到車旁跟守候的歌迷揮手，家輝隨後出現並駕車離開。