菊梓喬自己化妝整頭慳到盡 但求長做長有

歌手菊梓喬（Hana）近月連酒吧騷都照接照唱，雖被指降Grade，但勝在長做長有，將於除夕夜假澳門商演，跟粉絲倒數迎2026年，而平安夜及聖誕節時，陳山聰及陳煒亦在同一場地舉行演唱會，Hana被安排為壓軸嘉賓登場，兼且於晚上11時59分才開騷，要捱更抵夜，未知可會有加碼酬勞呢？ 久久未有更新社交網的Hana分享試裝的片段，長髮披肩、化上精緻妝容的她對住鏡頭說：「今日都係自己化妝，個妝係好紅架，唔識整頭添，所以就咁梳直咗個頭，一陣換埋衫睇吓先。」之後就出現着露臍小背心的造型照及上台唱歌片，不少網民大讚她：「天生麗質，自己郁手化妝都咁靚」，連髮型師費都可以慳番，Hana真是多才多藝的全能歌手。