香港即時娛樂新聞網
安德尊認愛後合體耍花槍 宋芝齡埋怨被影響姻緣運
來源 : 東方
更新 : 2025-12-31 19:03
藝人安德尊(大王)與《流行都市》好拍檔宋芝齡緋聞傳足幾年,雖一直未有正式承認戀情,但外界早已視二人為一對。早前藝人林嘉華做客《流行都市》,期間提及安德尊的戀情,他笑稱若然對方擺酒,就算「蝕硬」都自掏腰包都會返港出席:「咁我要搵埋佢另一半問下先,係邊個?」當時安德尊笑指另一半是宋芝齡,引起網民熱話。不過之前再被問及此事,安德尊又耍太極拒絕回應,而早前他又被爆原來還有兩位紅顏知己,除被拍到跟豐腴中女「撐枱腳」外,前助手Sophia(阿So)與他亦關係匪淺。
近日宋芝齡與安德尊合體接受訪問,當被問到他們的關係,宋芝齡即投訴安德尊訪問答得差,更激動表示:「我啲姻緣運啊,就俾佢搞彎晒!啲人個個嚟恭喜我,恭喜你啊,你結咗婚,就算我話唔係啦,佢哋都會講『你唔好唔認,我哋明㗎!」仲有話『哦!嗰個安德尊老婆嘛!』死得啦,我真係識唔到男仔㗎,我對我自己身世好擔心,我依家要去識男仔,其實我都係一個女仔,我都係一個適婚年齡,非常擔心。」
當主持人大讚安德尊是好男人,宋芝齡即表示:「全世界都有好多好男人,但唔可以博愛,你估真係歡樂傳萬家咩!」雖然對緋聞叫苦連天,但她亦承認安德尊的異性緣極強,特別受「師奶」和「阿太」的歡迎:「唔可以同佢出去拍外景!好煩㗎,尤其係喺街市、超市,畀人重重包圍,場面墟冚。」她直言安德尊身邊需要「綠葉」:「如果冇咗我陪襯佢,佢會單調好多,因為佢一嘈呢,就係我去鎮壓佢,叫佢收聲!」宋芝齡又笑指自己好需要呢份工作,安德尊聞言即說:「如果呢個節目冇咗我,妳聽日就唔使返工。」宋芝齡表示願意繼續合作拍檔,但對於緋聞則有所保留。
已複製
https://ent.headline4hk.com/article/20251231/oncc/bkn-20251231190105835-1231_00862_001/
安德尊認愛後合體耍花槍 宋芝齡埋怨被影響姻緣運
安德尊認愛後合體耍花槍 宋芝齡埋怨被影響姻緣運
熱門娛樂新聞
更多
