Sherri Gulley陽光女模 外剛內柔

所謂「各花入各眼」，每個男人都有自己一套審美觀，柔情似水、小鳥依人嘅女性固然有一班支持者，但其實身材健美、性格爽朗、外剛內柔呢啲特質一樣有人Buy，正如今日為大家介紹嘅陽光系女模Sherri Gulley，就得唔少粉絲支持。 幼時體弱 唔少男士一見到柔弱嘅女仔都會由憐生愛，但筆者反而更欣賞Sherri Gulley呢類充滿自信、不甘示弱嘅性感女郎，只要大家睇過佢嘅寫真演出，就會明白其魅力有幾勁！ 話說來自美國德州聖安東尼奧嘅Sherri Gulley，面形略方，眼神銳利，個樣望落好有性格，一啲都唔似柔弱女生，反而予人精力充沛、敢作敢為嘅感覺。身材方面，阿妹可以話係弗到爆，腹部不時現出馬甲線，仲要係手瓜起𦟌，但點都唔及上心口嗰對34DDD巨乳咁吸睛！據阿妹透露，細個時，身體比較孱弱，本來連打波、游水都應付唔嚟，後來去咗一次健身室，深信器械健身幫到自己，經過多年努力，終於練出一副曲線迷人嘅Body，就連自信心都提升埋呢！ 大膽決定 20歲嗰年，Sherri Gulley喺翻開雜誌時，無意中發現一則健美小姐選舉廣告，心諗呢項比賽係展示苦練成果嘅好機會，於是第一時間報名，並迎來人生一次轉捩點。雖然阿妹喺賽事中只能躋身最後5強，未能奪獎，但就成功引起模特兒事務所嘅注意，打開咗入行嘅大門。 據阿妹憶述，起初對模特兒工作一無所知，主要為體育雜誌拍攝比堅尼寫真，但坊間反應好好，眼見人氣與日俱增，開始學人經營網絡社交帳號，分享自拍辣照同健美心得，結果大受網民歡迎，誤打誤撞成為好多人心目中嘅性感網紅。後來有男士雜誌邀請阿妹拍攝大尺度寫真，一試之下，先至發現自己一旦露出柔情一面都幾有女人味，自此之後，佢頻頻喺鏡頭前賣弄性感，更推出會員制頻道，實行全力吸金。 Profile 出生地：美國德州 身高：167cm 三圍：34DDD-25-34 形象外剛內柔、性感撩人，令Sherri Gulley喺網紅界愈撈愈掂，登入其社交網，就會睇到佢有乜嘢辣招去吸引網民眼球，當中更包括最新推出嘅寫真年曆。 網址：https://www.instagram.com/gulley_sherri