吳業坤胡鴻鈞組團再出道有得諗 2026年爭新人獎

歌手吳業坤與胡鴻鈞相識多年，直言最開心莫過於去年合體開騷，胡鴻鈞說：「一齊出道到依家15年，第一次可以同台帶個騷畀大家。」吳業坤則表示：「諗番起細個我哋成日一齊唱商場，估唔到可以一齊上大台。」二人笑指可以組合再出道，2026年爭取拿下新人獎。 提到吳業坤在台慶頒獎禮中競逐多個獎項，他說：「最想攞飛躍同歌曲獎，飛躍我係年資最高，飛咗咁多年係時候着陸，想畀人睇到我嘅進步，我覺得自己係有成長。」又指已想好感言，屆時或會重現當年獲獎爆喊一幕。胡鴻鈞亦表示於《新聞2》見證對方成長：「成熟咗，演得好自然，係時候攞番個獎！」回顧2025年，他指首次演音樂劇是一大挑戰，希望能繼續向這方面發展。 心郁開居酒屋 問到吳業坤2026年會否想挑戰當爸爸？他即望向好兄弟，胡鴻鈞笑問自己仍未結婚怎麼生B，又揚言若拍拖一定會公開。吳業坤則笑稱未有時間造人：「10周年巡演，睇吓可唔可以去多啲唔同地方。（帶埋太太順便造人？）唔好啦，做咁多嘢好攰㗎，哈哈！」開設了健身室和音樂學校的他，透露正構思進軍飲食界：「一直好想開居酒屋，希望今年可以實現到！」