關嘉敏恨闖影壇 蘇麗珊挑戰做編劇

去年加盟邵氏的藝人蘇麗珊，剛完成邵氏新劇《風華背後》，她直言感覺跟拍電影很不同，新鮮又開心。至於成為師姐的關嘉敏笑言不敢當，談到新一年展望，她說：「我真係睇蘇麗珊嘅戲大，展望係好想拍電影，同埋想試音樂劇、舞台劇。」回顧2025年，她先後挑戰過內地綜藝和主持等工作，很滿意收穫：「係一個清單，有幾個項目我已經剔咗，2026年希望可以剔埋其他！」提到未能成功剔上無綫戀綜《女神配對計劃》的空格，關嘉敏笑指雖未能配對，但的確多了追求者：「可以揀吓嘅，我都唔細，要認真慎重選擇一下。」問到蜜運中的蘇麗珊何時結婚生子？她甜絲絲指跟圈外男友感情穩定：「我哋有共識，既然我加入咗新公司，呢幾年先專注工作。」熱愛創作的她，透露正嘗試寫劇本，稍後拍成短片，更希望可拓展成電影。 做出成績 唔使轉行 談到關嘉敏入圍台慶頒獎禮「飛躍進步女藝員」10強，她說：「係對自己一個好大嘅肯定，雖然唔知最後攞唔攞到獎，但我自己覺得已經贏咗，當然今年係更加想攞到。」她笑指入圍起碼可向父母交代：「之前佢哋有同我傾過，話30歲再係咁唔穩定就要轉行，一直好想做啲成績畀佢哋睇！」