李芷晴做司儀感緊張 拍檔關嘉敏：我好興奮

「女神」關嘉敏及李芷晴將為慈善活動擔任司儀，而倪樂琳則會於節目內演出音樂劇。3人今日現身相關記者會齊齊受訪，關嘉敏及李芷晴不約而同表示首次擔任大騷司儀，李芷晴大表緊張，直言驚拖累其他拍檔，反而關嘉敏膽粗粗表示：「我好興奮，一啲都唔緊張，有拍檔區永權喺度驚咩呀？拋過波畀佢先，今次係2026年嘅新嘗試。（妳執生叻唔叻？）跌咗件衫咪識執囉，哈哈！驚唔小心係咁搞爛gag。」 倪樂琳直言早前被經理人提醒要增值，所以跑了去學唱歌，如今已上了30多課：「今次音樂劇我都會唱歌，所以好開心洗咗嘅錢可以派上用途。」當記者問他有甚麼飲歌時，關嘉敏即場答：「佢嘅飲歌咪就係『飲歌』囉！」令全場忍俊不禁。 談到早前她分別拍攝《飛常日誌II》及幫導演葉念琛嘅拍攝短視頻，倪樂琳直言拍出戲癮，原來她與關嘉敏及李芷晴是演戲班同學，齊齊跟賴慰玲及鄧智堅學過演戲，笑言被塞錢塞到「銀包腫脹」。回想首日開工情景，倪樂琳坦言：「好彩選過港姐，所以都唔算好緊張，相信比冇參選過就去拍劇好好多嘞。」 藝人俞可程並透露演出當晚將參演音樂劇，主題以照顧病患及行動不方便者為主線：「因為我屋企都有醫護人員，所以知道呢一方面嘅照顧好大壓力，而且好辛苦。」她透露今次是首次演出有對白的話劇，更是現場演出，故會比較緊張，又指為了這次演出練習了很久。至於本月2日剛度過28歲生日，她透露生日當天自己需要開工，收工後則跟家人及朋友慶祝。提到生日願望，她指今年的目標是希望再令更多人認識自己，也坦言想拍劇，因入行其中一個目標電視加入劇壇。