吳若希遭戴祖儀用口形叫「八婆」 親回：佢係叫我「伯母」

歌手吳若希（Jinny）今日（10號）出席新城廣播電台活動時，表示今朝好忙，跟老公兵分兩路各自帶仔出席課外活動，她接送兒子到沙頭角旅行，老公則負責接送女兒去合唱團，而她返家後發覺座駕沒電，自己惟有轉乘其他交通工具趕來活動。 Jinny笑言新一年老公好乖，但她曾多次問老公如突然身故，可有留數千萬遺產給她和仔女過安穩生活後，老公他即聯絡保險業的朋友諮詢保險詳情，笑謂她又詛咒老公？她說：「佢唔介意，我都常咒自己，我一家人好接受死亡！」又謂自己保險受益人只是一對仔女，問其老公可有寫她是遺產受益人？她笑說：「佢受益人可以試吓唔係我，可以第二個女人，我個女或者佢阿媽都可以，都係畀家人一個保障。」 今年農曆新年，她表示雖然祖母離世第二年，仍照樣會返家鄉福建過年，與家人一起放煙花，又指之前曾滑雪，而今年農曆年不考慮，原因自視過高，在沒做足保護下，結果整傷腰骨又跌到手瘀腳腳瘀，更因她滑雪速度太慢，滑雪場關門時間她和女兒還留在雪場上，最後要工作人員抱她落山。 談及無綫綜藝節目《尋歡作樂的姐姐》，何依婷、何沛珈、林凱恩玩轉上海篇，被網民批評節目剪接差及太卡通化，加上不停《中年好聲音3》成員王鄭浚仁的新歌《我就是舞台》中一句「I’m feeling so high」，結果4集只播了3集即調動戴祖儀、吳若希及游嘉欣玩轉深圳來頂上，網上更有指她和戴祖儀鬥咀好搞笑，Jinny：「一直好忙，冇睇之前集數，只收到消息我哋深圳篇，因為拍得好氣氛會做壓軸篇，但可能因為夠搞笑先快啲推出，至於製作上，相信公司係想嘗試『新嘢』先咁做做，外界對我演出有好反應，都好開心嘅，跟幾位拍檔的確有默契同火花。」 至於祖儀在節目中，用口形指她是「八婆」，Jinny就大方謂：「佢冇講出聲，或者佢想嫁畀我個仔，可能佢用口形叫我『伯母』啦。」隨即做口形隔空還擊祖儀叫她「八婆」。