陳健安開騷先嚟病 用催眠治療法自救

歌手陳健安（安仔）一連兩日在西九舉行露天演唱會，昨日開騷綵排時，他在社交網的限時動態分享現場環璄，及自拍在陽光普照下，瞓在台上高舉勝利手勢，表現得信心十足。但原來開騷的前一周，本應進入最後備戰及最佳狀態的他曾「打敗仗」，在社交網自爆「開騷先嚟病」，上載大批藥丸及針灸相，留言：「以為已經做到好足，好守紀律，聖誕倒數唔見人唔約friend、避人群、戴口罩、清淡飲食、高質睡眠、運動、拉筋、放鬆……都病，無常，唉。」 為了盡快擊退病魔，他惟有加強信念，不斷自我催眠：「我身體好健康，演唱會唱得好好，好好聽，身體好好，我係陳健安，健康安全，我身體好好，瞓醒覺好番晒，把聲好好聽。語音催眠完畢。中西合璧積極治療！」而最後一句，安仔覺得不幸中之大幸是阿媽全不知情，所以沒有連累長輩擔心：「阿媽冇社交平台，唔可以佢知。」網民即如電影《家有囍事》1992年版中的毛舜筠上身，在網上廣傳：「唔好咁大聲呀，唔好畀老人家知呀」，相當搞笑。