謝淑怡明晒腿暗谷胸 爆愛犬想咬碎一千蚊紙

2024年香港小姐謝淑怡（Zoie）近日跟愛犬Mochi拍了一輯靚相，Zoie大晒長腿及不經意露出毛衣內的比尼Top，感性又型格。Mochi在鏡頭前眼定定，相當乖巧，不過，Zoie大爆愛犬其實是百厭星一名，且破壞力驚人：「我哋全家嘅拖鞋全部都被佢咬到粉身碎骨，佢已經咬爛咗無數對拖鞋，佢反應好迅速，只要跌喺地嘅嘢，我嘅衫褲鞋襪，佢都會去咬同破壞。上星期有學生來我屋企上堂，學生畀錢我，佢突然跳上嚟咬住咗張一千蚊紙，我即時用掃把追住佢，好在最後張一千蚊紙完整無缺咁攞番。」 Zoie透露愛犬現時1歲2個月大，在牠3個月的時候帶回家，直言對牠一見鍾情：「雖然佢係破壞王，但我無後悔養佢，因為佢令我全家多咗好多歡笑聲。」她指有感狗狗生命短暫，只有匆匆十多年，故自養牠一刻起已決定要跟Mochi影不同的類型的相片留念。而今次跟Mochi拍照也有新感悟：「見到佢好乖咁畀攝影師同化妝師抱，唯獨唔畀我抱，令我有少少挫敗感，我有反思我同佢嘅關係，因為我成日出去工作，唔喺屋企去，多數係由父母照顧佢，所以新一年目標係增進我同佢嘅心靈交流。」