吳業坤出席東港城第二十屆新春花展會 滿腹大計造人要諗諗

歌手吳業坤、堪輿學家麥玲玲、《聲秀》唱將馮熙燮、新鴻基地產（銷售及租賃）代理有限公司董事鍾秀蓮等在將軍澳坑口出席東港城第二十屆新春花展會「花開千駿迎新春」揭幕禮。吳業坤與馮熙燮現場演繹歌曲外，更獲麥玲玲贈言在新年布置家居，麥玲玲笑問吳業坤今年想不想添丁，他則耍手擰頭笑說：「遲啲先。」麥玲玲指吳業坤雖然今年犯太歲，但犯太歲對藝人來說，通常是攞獎年，吳業坤笑說：「又攞，好呀。」 吳業坤最近在無綫台慶頒獎禮奪得「飛躍進步男藝員」獎項，工作接踵而來，相當旺。生肖屬馬犯太歲的他透露已經前往攝太歲，太太濱口愛子也入鄉隨俗陪伴拜神，求心安理得。問到可會「造人」沖喜？他則說：「我哋都未有好想、好想要小朋友住，所以遲啲先。同埋今年有好多目標，踏入樂壇10周年，會去中山、多倫多、費城等地舉行小型嘅世界巡唱，尾站會喺香港進行。」講到今年大計，他則透露會多推出新歌，亦有計劃自己投資歌曲，增加自主權，重金打造歌曲。 現在屬無綫旗下歌手的他透露正去到洽談續約的時間，他說：「研究緊，傾緊大家繼唔繼續行落去，定係自己出嚟努力呢，會考慮音樂理念，資源足夠就已經非常滿足，呢個年代有歌出已經好好，要睇吓大家嘅方針，始終做耐咗有自己嘅想法，希望有好嘅新開始或者繼續落去。」他又透露正研究能否真正擁有自己的歌曲，因過往的歌曲版權不屬於歌手，問到是否擔心轉唱片公司不能唱舊作？他說：「又冇諗到咁長遠，只係想擁有埋首歌。」對於麥玲玲指他今年有機會再攞獎，吳業坤說：「會努力，都想再上音樂頒獎禮嘅台上，同大家分享呢幾年電沉澱過嘅事情。」 樂壇新人馮熙燮剛推出新歌《聆聽自己的聲音》，出道兩星期的他獲麥玲玲增言桃花運旺盛兼夾情商高，屬於暖男類型，受到女粉絲支持，但提醒要小心遇上瘋狂粉絲，他則笑說：「我唔怕，好想有粉絲糾纏。」講到桃花運旺盛，他則自言現在沒有拍拖，會專心事業，努力工作，又否認公司禁止拍拖。