霸ATM狂撳$100 疑臨急抱佛腳唱錢封利是 厚面皮大叔提一要求即惹人龍鼓譟｜Juicy叮

一名懷疑臨急抱佛腳唱錢封利是的大叔，昨日（15日）霸著一部自動櫃員機（ATM）狂撳100元紙幣，而且無視背後有7至8個人苦候，竟提一厚面皮要求，即時惹來排隊人龍鼓譟。詳情見下圖及下文：霸ATM狂撳$100 疑臨急抱佛腳唱錢封利是 厚面皮大叔提一要求即惹人龍鼓譟逐張睇↓↓↓↓樓主：不停入卡喪撳100蚊紙樓主昨天（15日）在社交平台Threads以「ATM（自動櫃員機）」為題發帖，指「真係眼見第一次啲人用櫃員機不停撳錢，阿叔不停入卡就係為咗喪撳啲100蚊紙出嚟。樓主續指，大叔「仲厚面皮到叫啲人去隔籬嗰部排隊，但係其實講緊後邊都仲有成7、8個人等緊拎錢，好多人都鼓譟。其實你想唱錢就早啲去銀行唱，今日（15日）都年廿八先嚟臨急抱佛腳做咩啫」。樓主：有人起哄都為所不動樓主在回應欄補充，即使現場「有人起哄佢都為所不動」，「偏偏就遇上咗一個話佢都唔讓嘅人」。有看過不眼的網民氣頂地表示，「咁多人等緊應該一齊出聲」，但也承認「難在要有第一個帶頭」。網民：ATM一次只出4張100蚊而針對這種撳錢情況，有網民指「刁民之前都為咗撳100蚊紙對住部機」，但通常「見到後面有人通常俾佢用先」。另有網民理解大叔的霸機表現，講出一般的實情，指「ATM一次只出4張100蚊，係有佢原因」。金管局鼓勵派電子利是除了封實體利是，金管局則鼓勵市民利用電子支付方式，包括透過網上或手機銀行使用「轉數快」或其他電子錢包提供的服務派發利是。金管局指，派發電子利是簡單方便，又可以減少實體利是封和鈔票的用量，有助推動可持續發展。相關短片：《轉數快應用重溫》3集資料來源：ellealla＠Threads相關閱讀：送公屋戶賀年禮物 房署大派利是封 款式居民有話事權？ 網民晒冷戰利品奇怪封口法釀分屍慘劇 拆利是失手撕爛紅衫魚 苦主因一事自責北角「女呃錢黨」周街逗利是 行走中「人肉利是封」專攻長者-----換新鈔2026｜新鈔及「迎新鈔」2.3起供換領 即睇滙豐/中銀/渣打換新鈔安排新鈔及「迎新鈔」今起供兌換 市民排隊換鈔：新鈔年頭用到年尾