江若琳盆茶宴泡湯 都是家傭惹的禍

人妻歌手江若琳（Elanne）和普羅主婦一樣，為家人準備新春菜而日忙夜忙，日前她在社交網上載三碟餸菜相及分享奇人奇事，而文章標題是「年28之姐姐經典事件薄 」。自言今年難得有儀式感，她在五星級酒店訂了盆菜跟家人過節，正滿心歡喜期待有餐好嘢食時，豈料一打開盆菜就發現「成盆盆菜乾噌噌」，於是問工人姐姐：「嗰兩包鮑魚汁呢？」而工人姐姐簡單又直接秒回：「丟咗啦」，竟然將盆菜的精華所在鮑魚汁當垃圾棄掉，晴天霹靂的她心中流了兩行眼淚。 面對「外傭災難」，她惟有腦筋急轉彎，將雪櫃中的雞、菜及糕全部Show Hand，改為食家常便飯，雖然原價約1988或5088元的盆菜已「毀於一旦」，但她亦意識到只要全家人可整整齊齊食餐飯，「鹹魚白菜」也好好味。 不少網民奇怪工人姐姐為何會將鮑魚汁包丟落垃圾桶，亦有網民教Elanne「補救」方法，包括用罐頭鮑魚的汁，亦可用雞湯代替，更加可以考慮自製調味料，同時似有感同身受者留言：「原來背後係一個咁可歌可泣嘅故事。」