好市民獎｜巴士車長追捕非禮色魔 裝修工扯爆窗花救3歲女出鬼門關

今屆「好市民獎」有80名市民獲嘉許，其中兩名得獎者分別為巴士車長李世敏，前年8月挺身而出協助一名非禮案受害人；另有裝修工人駱志超見義勇為將一名爬出窗外的3歲女童救回安全位置。巴士車長李世敏憶述，事件發生於2024年8月一個凌晨時分，當時他收工途經一個商場，突然聽到微弱的呼救聲，之後循聲尋找，見到一名女子於育嬰室內被一名自稱攝影師的男子非禮，「當我行到附近時，女事主就指住個男人大叫非禮，嗰刻女受害人好驚，一見到我即刻叫救命，我第一反應就係要捉到個犯」。他指自己作為一個父親，見到有年輕人受害感到心痛，提醒他們不要偏信網絡上的事，「希望佢哋以後遇到咩問題，唔好依賴網絡上嘅嘢，多與家人溝通，有咩問題請教親友、父母、師長，尋求幫助，唔好偏信網絡上嘅嘢，因為網絡危機四伏」。好市民獎｜港男無懼颱風駕艇救起3遇溺者 屈臣氏外籍高層勇救墮海女子另一名好市民得獎者為裝修工人駱志超，他於2024年於深水埗黃竹街見到一名3歲女童從家中爬出窗外，頭頸被困在晾衫架，危掛在簷篷，隨時從高處墮下，險象橫生。他目睹險況後立即報案，並進入大廈搜尋涉事單位，最終成功將女童帶回安全位置。駱志超憶述，當時窗戶有窗花，但當時情況危急，立即徒手扯爆窗花，「嗰刻都無乜諗，就扯開佢（窗花），將個小朋友扯返入嚟」。他又指不應為貪一時方便，而將子女獨留家中，「如果離開8分鐘、10分鐘，可以叩下隔離門，搵人幫手睇下，唔好由佢喺屋企，因為真係好危險」。