謝安琪發長文笑中有淚 自勉要活好每一天

歌手謝安琪（Kay）近日透過社交網撰長文分享內心感受，其中她提及老公張繼聰的重要性，指自己無論心情好與不好都會飲咖啡，不過：「張先生一齊飲咖啡，心情唔好都變成心情好好，心情好好就會變成心情好好好。」又講到愛女Kakaball報名參加多個跳舞比賽，眼見囡囡可以跟好朋友透過雙人舞賽事增廣見聞，作為媽媽會戥長知識的女兒高興。 不過人生有喜亦有悲，她傷感謂在夢中跟亡犬晶晶相見：「好多次，每次都係好似平日生活嘅片段咁，只係有一次，我喺夢裏面突然醒起，晶晶已經離開咗，令我知道嗰個係夢，但係嗰一刻，我仲望到晶晶喺我面前，我唔捨得夢醒，但係結果都係驚醒咗。」續說她走出房到客廳，重回夢中所身處的位置，想感受愛犬是否仍存在。 似乎未走出喪犬陰霾的她，自勉謂：「其實晶晶喺唔喺度都好，佢一定知道我好掛住佢。就正如張先生同Kakaball 咁講：『每一次我哋諗起晶晶，其實就係我哋又再一次互相connect，只要我哋成日都掛住佢，心入面成日都有佢，佢就永遠都同我哋一齊。」她再三多謝愛犬來到她家成為親人，會提醒自己每一日都要活得開心及自在，為自己加油，並歡迎4月的日子到來。不少網民留言鼓勵Kay，尤其老公張繼聰第一時間留心型符號為太太打氣。