鮮娛糧︱梁朝偉遭韓媒要求派心勁老尷 高清「慘況」曝光

影帝梁朝偉首部主演嘅歐洲電影《Silent Friend》將於本月15日於韓國開畫，繼去年9月亮相《釜山國際電影節》後，佢近日再度訪韓，成為全韓焦點。梁朝偉接受訪問時，談及自己今次於新戲角色、最愛韓國飲食文化、對上一套留意嘅韓國作品係《上流寄生族》等。當中佢被要求對鏡頭擺出三款「心心」甫士，本身自認有社交恐懼症（社恐）嘅梁朝偉，就做出手指心、臉頰心心及用雙手砌出「大心心」，但佢一臉尷尬又驚恐嘅笑容，眼神流露出無奈，即被網民笑言係「虐待老人」、「被挾持」嘅感覺，但佢賣力迎合嘅樣亦被讚可愛。