佘詩曼一秒轉3層次情緒 演技再封神

熱播律政劇《正義女神》掀起全城煲劇潮，特別「言官」佘詩曼和「光正」譚耀文這對離婚夫妻演技切磋，帶着觀眾入戲，昨晚（8日）播出一集審理了「秋月樓縱火案」，四屆視后佘詩曼在縱火案中跟演惡霸的老戲骨煒烈鬥戲甚有火花，阿佘一秒轉換三大層次情緒，化身「微笑阿佘」鄙視中帶威嚴微表情，演技再封神；她在庭上對着劉展霆飾演放火燒屋的富二代「趙世孝」，投以凌厲憤怒眼神，吐出「錯過咗一個高成彬唔緊要，最緊要唔好再畀第二個高成彬出現」，獲讚「阿佘眼神就是正義」。至於阿佘與譚耀文的多個場口互動顯默契，有時「無聲勝有聲」的眼神交流，網民會感受到他們很懂對方，紛紛直呼希望「言官」與「光正」最終能復合，而譚耀文跟許紹雄的飲酒談心戲演技沉穩中帶鬆弛感，帶出喜感。 在縱火案中3位新生代演員包括劉展霆、黃子桐和潘靜文亦有亮眼演出，現年32歲的劉展霆（Eden）扮演15歲學生零違和，Eden受訪時表示事前做了不少功課：「佳導事前同我分析個角色，之後我就上網搵好多富二代或者屋企背景強硬嘅角色做參考，發現佢哋嘅共通點都係吊兒郎當、乜都唔Care，覺得即使犯咗罪都有屋企幫你擋。」笑言一入片場就催眠自己：「我同自己講我就係背景好強嘅二世祖，我要玩世不恭同不知悔改！」Eden續指由於要一天內拍畢四場法庭戲，所以由早拍到晚，並謂自己刻意為4個場口營造了不同情緒，有暴怒、有輕佻、有淆底、有崩潰，Eden又指最難忘的NG戲，是向着潘靜文嗌「八婆，我實整死你」，被嫌唔夠乞人憎要Retake。 前參選港姐黃子桐（Rachel）戲中幾乎全是喊戲，Rachel受訪時坦言是「入行以來最大壓力及最深刻」的其中一場戲，一來是因對手是佘詩曼，二來覺得角色好有挑戰性，事前花了兩天時間培養情緒，她說：「屋企人都擔心我係咪發生咗啲咩事，我記得拍呢場戲去到現場一開始我都未入到戲，然後阿佘好耐心咁喺我耳邊講，叫我想像老公喺醫院入面瞓緊、個仔又生死未卜，真係好神奇，佢講完我真係一秒入戲一take過。之後阿佘仲畀咗個like嘅手勢我，我果吓真係好興奮，開心咗成日。」而潘靜文在法庭的喊戲亦獲讚自然不做作及超出預期。