陳惠敏｜陳惠敏談80年代大富豪一晚豪花10萬 80歲驀然回首自認當年戇居

最近在串流平台上，睇到昔日打星兼江湖大佬陳惠敏接受訪問，講到當年荒唐生活，尤其八十年代有錢時唔識理財，只晚晚走去威。乜叫「威」？即蒲在大富豪及中國城一類揮金如土銷金窩，「隊」XO猜枚。江湖中人財來財去，今日你請我，明日我請你，就咁晚晚十萬八萬埋單（八十年代呀，當年幾十萬買間千呎樓㗎！）。要「威」，當然少不免成身金鏈及揸歐洲名車林寶堅尼法拉利等，在尖沙咀「嘭嘭」聲四圍片。就咁，又無咗幾百萬，之後，二手出售完全唔值錢。好嘞，如今八十歲嘞，驀然回首，才覺得當年戇居，搞到身體又壞，錢又無乜，更唔敢話俾個仔知自己其實「出嚟行」，成日俾人拉。老陳坦率豁達，最難得老婆十七歲跟佢同居，一直無名份，只是早幾年才註冊。一切一切，足以拍套精采的江湖電影。 湊得輕鬆啲