星玄｜陳煒晉升做一姐 事業大爆發密密做到冇停手

今日係6月11日農曆五月初六，今日幸運星係天蠍座，運氣好到不得了，能在職場競爭中佔優勢。陳煒（煒哥）就係天蠍座，佢早前就同老公合資開咗間醫美公司，仲做埋生招牌，而啱啱拍完旅遊節目嘅煒哥，就喺社交網上表示，為嚟緊嘅新挑戰倒數準備。 而煒哥喺無綫年報的藝人排位登頂成一姐，煒哥你嚟緊運氣好到不得了，就算有咩新挑戰，都應該難你唔到呀！ 早前煒哥就表示要返大陸開工拍新劇《巨塔之后》，之後就要接住拍第2套劇，而《反黑2》劇組如果資金問題解決，都有可能即刻開拍，睇嚟之後就會不停睇到煒哥啲劇播出啦 是日最旺生肖係龍，財運及事業運不錯，投資獲利機會高。龍女黃心穎自復出後，就自資出歌做獨立歌手，去年底仲RubberBand鼓手黎萬宏（泥鯭）結婚之後，就過着寫意生活，日前心穎帶埋老公，同黃心妙、黃心美一齊食生日飯，三姊妹聚首一堂開心合照，從相入面見到心穎容光煥發，狀態極佳，而嚟緊心穎財運及事業運都唔錯，未知佢有冇心水嘅投資方向呢，如果有就好好把握啦！