林德信Rap出80年代懷舊風 孖鄭嘉嘉合作推新歌

上月榮升父親的林德信(Alex)人逢喜事精神爽，不過工作方面也未有鬆懈，熱愛音樂的他，近日與合作無限的歌手鄭嘉嘉一起創作新歌《Drifting in Hyperspace(超空間)》，Alex負責Rap部份，鄭嘉嘉唱普通話，以中西合璧形式，把8、90年代曲風展現出來，而MV更特別找來一個如同該年代Disco的場地取景，問到拍攝前可有問爸爸林子祥關於當年蒲夜店印象？他說：「冇聽過佢去Disco，見佢收工就返屋企瞓，反而我以前玩音樂，好多時玩到深夜3、4點，會去啲Club玩音樂，感覺好正，一聽到音樂就想跳舞，所以創作首歌嘅概念，係想帶俾大家呢種空間感，享受音樂、享受跳舞。 」 而嘉嘉則表示唱普通話更容易表達歌曲的意思：「其實外國好多歌都係男仔去做Rap，女仔負責唱，只不過大中華市場就比較少。而Hyperspace係想帶大家超越空間，離開地球，離開壓力嘅地方，喺呢個空間就只有音樂，好歡樂。」