足本訪問： Edward Chan培育音樂人 讚姜濤推廣不遺餘力 預告踩過界做經理人 傳承方大同製作經驗 盧巧音閉關準備6月澳洲巡唱 老公Sammy跟實任樂手

【Viu】音樂人Edward Chan今日現身新城撐梁兆輝嘅電台節目，佢透露依家進行多個project中，包括有創作夏令營，培養新一代音樂人，Edward大讚有好多新音樂人都好有才華，最新為姜濤監製嘅《On a SunnyDay》更正係一位畢業生嘅作品，又指姜濤喺推廣新音樂人上係不遺餘力㗎！ 而另一個重磅project就係Edward將會踩過界做埋經理人，幫一位音樂人出道做新人，唔知Edward做經理人嚴唔嚴格㗎呢？嗰位音樂人又係邊個？答案喺月底就會知！Edward話感覺就好似以前見到方大同呢type咁有才華嘅歌手，亦係大同離世後對自己有一個承諾，就係將同佢嘅經歷、音樂上嘅製作經驗，盡量帶畀新一輩嘅音樂人！ Edward又指當日得悉大同病逝消息嗰個moment，係睡夢中驚醒，到依家仍然未習慣、消化好友已經離開，但總要向前看！佢讚揚大同即使入行多年，但仍保持一顆清純嘅心去做音樂，懂得為自己去追夢，確實係真正嘅夢想家！Edward亦有談及同大同最後嘅聯絡點滴，所做嘅每件事都係圍繞住音樂！ 同場仲有嚟緊6月尾會喺澳洲舉行兩場演唱會嘅Candy盧巧音，佢預告無論喺歌單、服裝上都會畀到fans驚喜！而老公Sammy@Kolor亦當然會貼身跟住，Candy冧指Sammy會幫手做埋樂手，兩公婆雙劍合璧！佢亦預告遲吓再會公布多2-3站，今年主力走tour，會返亞洲地區！ 講到Candy早前有喺IG分享人生感悟，包括曾患情緒病，從而提及ANSONBEAN近日因心理健康、精神狀態而宣布暫退娛樂圈，Candy會點勉勵後輩？另外，陳奕迅愛女陳康堤將出道做新人，Candy、Edward又收唔收到風？想知就即刻去睇足本訪問啦！ 瀏覽 Viu網頁觀看影片 瀏覽 Viu網頁