佘詩曼開劇萬歲派福利 王敏奕大感幸福

視后佘詩曼(阿佘)現時正在拍攝無綫劇集《新聞女王2》，日前她劇中拍檔譚俊彥齊齊重回第一輯時的車房拍攝，同場還有王敏奕及吳業坤。阿佘接受無綫娛樂新聞台訪問時謂：「呢度(車房)係我嘅避風塘，係我成套戲感覺最舒適嘅地方嚟，包括第一集都係，應該都喺係一個好輕鬆嘅狀態開工。」而每次有阿佘助陣的劇組，都經常有好嘢食，譚俊彥笑言：「都有㗎！我哋食嘅嘢日日都唔同，不能盡錄，仲有Bosco(黃宗澤)喺度呢！所以日日都好有口福。」而阿佘謂：「做得咁辛苦梗係食好啲啦！啲工作人員又咁辛苦，希望大家開工開開心心囉！」 此外，今輯劇中王敏奕、吳業坤及佘詩曼會另起爐灶做新聞，敏奕與吳業坤受訪時開心表示今次會跟Man姐阿佘有更多的對手戲，她謂：「上一次冇咁多，成日都係得我哋兩個，今次有自己公司嘅凝聚力好強，終於日日可以同Man姐一齊演戲、食飯，真係好幸福。」王敏奕又透露日前跟吳業坤拍攝了一場冧樓戲，震撼程度有如上輯衝入火場那場戲的感覺。